Maldita Nerea, RdeRumba & Porcel eta Cariño-k udazken honetan bueltan ekarriko dute BBK Udazken Soinuak musika-zikloa

Guztira 9 emanaldi izango dira, irailaren 9tik azaroaren 19ra, Bilboko BBK Salan

Sarrerak salgai daude jadanik. 

Opor osteko sindromearen konponbide gisa, irailean BBK Udazken Soinuak musika-zikloa itzuliko da Bilbo erdiguneko BBK Sala enblematikora, proposamen fresko eta askotarikoen 9 kontzerturekin. Aurreko edizioko espirituari jarraituz, hautaketa artistikoan Espainiako estatuko hainbat musika-korrontetako artista handiak sartu dira.  

BBK Udazken Soinuak hilabetez hilabet

Iraila

Zikloa irailaren 9an hasiko da, Venturiren lotsagabetasunarekin eta Madril eta Alacantako Niña Polaca taldeak ekarriko duen olatu kementsuarekin, elkarrekin emango dute kontzertua; eta ondoren La La Love You koru gisa kanta daitekeen indie soinuari (irailaren 10ean) eta Ladilla Rusaren proposamen elektroniko erabat lotsagabeari (irailaren 17an) emango zaie bide.

Urria

Urrian, emakume-talentuz beteriko bi talderen txanda izango da, Bilbao BBK Liven erabateko arrakasta izan berri dutenak: Ginebras ironikoak (urriak 6), egunerokotasuna aparteko bihurtzen duten bakarrak, eta Cariño (urriak 7) oso itsaskorrak diren pop leloak egiten maistra hutsak. Urriaren 8an Alba Reche OT 2018ko lehiakide ohiaren ahots-trebetasunaz gozatzeko aukera izango dugu; eta hilaren 15ean, rapa eta spoken worda RdeRumba & Porcel eta Laura Sam eta Juan Escribanoren eskutik, hurrenez hurren.

Azaroa

Horrela, hilabetez aldatuko gara Rusowsky eta Ralphie Choo artista gazteek azaroaren 11n joko duten bedroom pop elektronikoen eta abangoardistenarekin. Azkenik, zikloa azaroaren 19an amaituko da, Maldita Nerea pop-rock taldearen kontzertuarekin, bere zuzenekoan arrakasta ugariz beteriko diskografiaz harro azaltzeko aukera izango dutelarik. 

Sarrerak uztailaren 18an, astelehena, jarriko dira salgai, 10:00etan, webgune hauen bidez: Last Tourreko agendan eta salabbk.bbk.eus.