Plataforma digital garrantzitsuenetan dago jada

Airu taldeak Es todo un encierro aurkeztu du; koarentenaren garaira itzultzen da singlea, isolamenduak eragiten duen estutasunaren gaineko gogoeta eginez, eta estualdi hori gainerako guztira estrapolatzen du, edonon berdina izango dela sentitzean, hutsaren sentsazioa eta ezer egin ezin izatearen ideia sentitzean.

Umoreak ere badu tokia gogoeta sakon horretan, singlearekin batera kaleratu duten bideoklipean ikus daitekeenez; Airuko kideek zuzendu dute bideoklipa, eta sekuentzia planoan grabatu dute, 2020an etxetik atera gabe eman genituen ordu horiek guztiak gogoraraziz. Taldeko kideak agertzen dira irudietan, etxeko eguneroko lanak egiten zelai baten erdian, itxialdi hori eta toki batean fisikoki nahiz mentalki harrapatuta egote hori sinbolizatzen.

Es todo un encierro singlearen ekoizpen-lanak Jon Agirrezabalagak egin ditu; gitarrak, baxua, sintetizadorea eta bateria uztartu ditu, post punk eta indie rock estiloak nahastuz, eta Bilboko El Tigre estudioetan grabatu dute, berriro ere. Airuren lehen LParen bigarren aurrerapena da abesti hau.

Sentimentalismoa, buruan iltzatzen diren melodiak eta ahots sakon bat dira Airu bilbotar taldearen hiru zutabe nagusiak. 2018. urtean sortu zen Airu, eta musika alternatiboaren erreferente izatea lortu du Estatu osoan; besteak beste, Mondo Sonoro, Neo2 edo Movistar+ komunikabideetan agertu izan da. Taldekideetako bat Keychange artista hautatua izan zen 2022. urtean; orain, hiruko euskaldunak Oso Polita diskoetxe bilbotarrarekin egin du bat, eta lehen LPa etxe horrekin kaleratuko dute.

Partekatu
ITZULI ALBISTEETARA

ANTZEKO ALBISTEAK

Bcorp

 

Diputación Bizkaia

Bizkaiko Foru Aldundiak finantzatu du proiektu hau, 2021ko Nazioartekotzerako Programaren barruan.
Este proyecto ha sido financiado por la Diputación Foral de Bizkaia dentro del Programa para la Internacionalización 2021.

Unión Europea

LAST TOUR CONCERTS S.L. en el marco del Programa ICEX Next, ha contado con el apoyo de ICEX y con la cofinanciación del fondo europeo FEDER. La finalidad de este apoyo es contribuir al desarrollo internacional de la empresa y de su entorno.