ZETAK eta Erramun Martikorena bat eginik house pop erritmoan Euskal Herria omentzeko

Arbizukoak musika kaleratu du berriro ia urte eta erdiz isilik egon ostean, eta Herri Urratsen abestian ahotsa jarri du

ZETAK taldeak soinu-banda jarri die euskal eta frantziar Pirinioei, Baigorriko 80 urteko artzain baten eta Arbizuko 30 urteko artista baten arteko senidetasunari, bien arteko lotura-zubi den musikari. Itzulera da ZETAKen single berria, eta euskal-frantziar paisaiari ez ezik, euskal musika tradizionalari ere egin nahi dio omen, betiere 2022ko erritmoetara egokituta.

Erramun Martikorena euskal folklorearen erreferentearen ondoan, Pello Reparaz nahasketa-mahaiaren aurrean jarri da berriro herri-musika belaunaldi guztiengana helarazteko, bere house freskotasuna galdu gabe eta, kasu honetan, pop ukituekin nahastuta, senidetasunari buruzko kontakizuna eginez. “Pirinioek, bereizi baino, batu egiten gaituzte; bi lurraldeen arteko zubia dira. Iparraldeko jendearekiko senitasun, adiskidetasun eta elkartasun sentimendua areagotzen dit. Ni bezala, euskaldunak dira haiek ere, neure lurtzat hartzen dudan lurralde batekoak, eta muga batek bereizten nau lurralde horretatik, nahiz eta ni ez natorren bat muga horren eginkizunarekin. Abertzaletasunaren bultzada nabarmena dago hor atzean”, azaldu du Pello Reparazek.

Kontrastez beteriko abestia da, txalapartarekin batera sintetizadoreak, gitarra akustikoa eta 808ak uztartuta, eta Pello Reparaz eta Erramun Martikorenaren ahotsak bat eginik, hain desberdin eta hain bereizgarri izanagatik. Bi mundu abesti bakar batean; soinu-paisaia beraren bi bertsio.

Bizitakoaren malenkoniaren eta iristear denaren positibotasunaren kontzeptuan murgilduz, Itzulera abestian Erramun (lehen aldiz parte hartu du bideoklip batean) eta Pello elkartu egin dira, Pirinioetan grabatutako sekuentzia planoko film batean. Tradizioa eta modernotasuna, teknologia eta natura kontraste eginez, eta, aldi berean, artista hauen musika-ibilbide desberdinak, Jon Maya dantzari eta koreografo ezagunak zuzendutako dantzariekin batera.

ZETAK taldea biran dabil Estatu osoan barrena, eta martxoan eta apirilean horretan jarraituko du. Hurrengo kontzertuak: martxoaren 18an, Santiago de Compostelan; martxoaren 19an, Salamancan; martxoaren 26an, Biarritzeko Atabal aretoan; eta bira hau bukatzeko, apirilaren 9an, Bartzelonako LA NAU aretoan.  ciertos: 18 de marzo en Santiago de Compostela, 19 en Salamanca y el 26 cerrando el mes en Biarritz, en el Atabal, para finiquitar esta pequeña gira el 9 de abril en la sala LA NAU de Barcelona.